Sekedar Pendapat : Alien? Beneran Ade?

Pada tulisan kali ini ane pengen curhat masalah alien-alienan ato makhluk asing dg intelejensi setara ato lebih tinggi dari manuse. Sumpeh...dari dulu hingga sekarang ane kagak percaya adanye makhluk ntu. Nah, ane mao jabarin nih kenapa ane kagak percaye...Siap-siap, ini die tendangan jarak jauh kapten kita.... :

Pertame, issu/khobar mengenai adanye makhluk ntu berawal dari orang-orang barat nyang cara berpikirnye dimulai dari keraguan. Mereka kagak percaye nyang namanye roh, kagak juge percaye nyang namanye jin, kagak juge percaye nyang namanye malaikat, bahken kagak juge percaye adanye Tuhan. Tapi, kenyataannye mereka menemukan makhluk lainnye nyang berkomunikasi ato menunjukkan aksistensinya pada mereka dan saksinye banyak. Mereka kagak bisa nyangkal tuh kejadian tsb tapi mereka juge kagak bise nerimo pendapat tentang roh atau jin. Yaa, akhirnye sabisa-bisa kudu bisa mereka buatlah pendapet lainnye, yaitu adanye makhluk lain nyang intelegensinya setara ato lebih tinggi dari manuse dan berasal dari planet lain.


Ane kagak nyengke juge ternyate orang-orang timur mulai melirik ntu pendapat padahel cara pikir orang timur itu beda banget dg orang barat, orang timur ntu berpikir dimulai dari keyakinan. Orang timur udeh yakin dg adanye Tuhan, yakin juge dg adanye malaikat, yakin juge dg adanye roh, and yakin juge dg adanye jin, yaitu makhluk nyang idup berdampingan dg manuse cume beda dimensi. Nyang ane kagak habis pikir, orang timur kok kagak gunain keyakinannye buat nerka tuh masaleh bahwe makhluk ntu bukan makhluk dari planet laen tp besar kemungkinan bahwe ntu adalah jin nyang nyamar.

Kedua, saksi-saksi nyang ketemu alien banyak tp kagak ade atu pun nyang bise nangkep tuh makhluk ato minimal bise komunikasi dgn mereka. Nyang ade cume issu, katanye sih katanye pemerintah amerika dah nangkep tuh makhluk cume kagak dikabar-kabari ke nyang laen. Halah, kalo gini jutru ane makin kagak percaye, udeh kagak ade bukti ditambeh pule dg cara pikir nyang bertolak belakang dg prinsipnye, "dimulai dari keraguan". Mustinye mereka juge ragu dg berite tsb bukan maleh ikut nyebarin yg kagak jelas juntrungannye.

Oke-lah, kalo misalnye pihak-pihak tertentu udeh mulai observasi, udeh mulai ngobrak-ngabrik planet-planet terdekat. Yaa, walopun tetep aje belon nemu tuh makhluk barang sebiji. Padahal saksi-saksi ngeliat tuh makhluk bekeliaran di bumi...Lha, kalo gitu ngapain cape-cape keloar bumi?! Tinggal pasang perangkep aje, ketangkep lalu introgasi, beres dah masalah...Tp ini mah memang kagak ade nyang bise nangkep walo atu pun ato minimal melacak keberadaan ntu makhluk. Nah, ini nih nyang menurut ane semakin memperkuat bahwe tuh makhluk bukan siape-siape tapi tuh makhluk idup berdampingan dg kite cume beda alam, nyang kebetulan tuh makhluk pengen dilihat oleh kite. Kalo bisa tereak mah pasti mereka bakal tereak, "Woy, ini gue cuy, ini gue bangsa jin, gue nyang lu pade ingkarin. Nih, buktinye gue ade..."

Ade nyang nanye, "Masa sih kagak ade makhluk lainnye nyang idup di nih alam semeste, pastinye ada-lah...", Yaa, itu mah urusanmu, ane mah cume meyakini bahwa kagak ade makhluk begonoan dan buktinya ampe sekarang belon ada nyang bise nunjukin muke tuh makhluk. Jadi, ya wajar aje ane mengklaim bahwe tuh makhluk kagak ade. "Ah, masa? pasti ade!!!", ya udeh tinggal tunjukin pade ane buktinye. Kan ane pake kuantor universal, nah tinggal sangkal aje pake kuantor eksistensial. Simpel, kan?

Oke-lah kalo begitu..tu..tu..tulisan ane cukupken sampe di sini dulu. Soalnye ane lupe alesan lainnye padahal sebelon nulis tuh alesan ngalir aje kayak aer solokan tp sekarang lho kok mandet....Awas makhluk itu muncul bukan hanya ada niat tp juga ada kesempatan...Waspadalah, waspadalah! hehehe...Lho, kok jadi bang napi?! []