Niat dan Amal Harus Setara

"Yang penting kan niatnya baek..."

Nah, ntu....Ntu yg ane sering denger dari orang-orang nyang dinasehatin supaye menjauhi perbuatan ato ibadah nyang ngga ada dasarnye dari Nabi. Dulu, ane sering "kerung" nih alis pas ngedenger perkataan ntu padahal ane dulu kagak paham masalah nyang begonoan. Ane cume ngandelin logika ane aja dalam membantah perkataan ntu. Ah, becanda lu? Yeh, seriusan...Nih logika ane waktu dulu :

Kalo cume liat dari niatnye doang, bisa aje orang-orang nyang suke nyolong perbuatannye dibenarkan sebab? Ya, kan alesannye buat makan anak ama bini. Bahkan ade juga nyolong buat tahlilan katanye. Korupsi juge same.... Jadi, nyolong ama korupsi ntu halal dong kalo diliat niatnya mah???


Trus bise juga hal serupe diterapin ke "kupu-kupu malem", mereka kan alesannya bisa aje, "kami kan niatnye baik, yaitu menghibur lelaki yang kesepian"...Jadi, zina hala dong? Muehehe...enak nih om-om idung belang, idungnye ngapung ke langit...

Mangke dari ntu walaupun ane waktu ntu awwam dalam masalah agama, tetep aje logika ane kagak bisa jalan kalo perkataan ntu kudu ane terima. Yaa, akhirnye ane buang mentah-mentah ntuh perkataan...

Kalo serakang, eh sekarang maksudnye...ane tahu bahwa nyang namanye amal kebaikan agar diterima oleh Alloh -'Azza Wa Jalla- ntu musti memenuhi 2 syarat, yaitu :

1) Ikhlash; niatnye bener, niatnye lurus, bener-bener mengharap ridho-Nya. Nah, ini aja kan kagak cukup sebagaimane nyang ane paparin di atas. Musti ade syarat lainnya, yaitu

2) Sesuai petunjuk Rosul;

Ini baru TOP! Kalo syaratnye gini kan kagak bakal ade nyang nyebut nyolong ntu boleh sebab niatnye baek, kagak bakal ade juga nyang nyebut zina ntu baek sebab niatnye baek. Lha wong nyolong dan zina kagak pernah dicontohkan oleh Nabi, kok! Simpel, kan??

Ada nyang nyeletuk, "Lha, kok menjelimet gini? Bukannye Nabi pernah bersabda : "Amal itu bergantung pada niatnya."...Yaa, kalo begitu sah-sah aje dong orang mau berbuat ape aje nyang penting niatnye baek?!"

Waduh, kagak gitu juge akang/eteh...Nyang Nabi maksud dengan amal bergantung niatnye ntu ialah amal kebaikan ntu balasannye bergantung pade niatnye. Nah, nyang jadi masalahnye amal kebaikan ntu nyang seperti ape??? Kalo misalnye amal kebaikan nyang dimaksudkan diserahken pade masing-masing orang, ya jadi kagak bener. Bayangin aje ane ngomong bahwa perbuatan A adalah amal kebaikan, tapi si X nyeletuk, "Bukan! Ntu bukan amal kebaikan...Yang ini nih amal kebaikan, yaitu perbuatan B."...Lha, kalo gini mah urusannye makin puyeng. Jadi, musti ada patokan nyang pasti mane ntu nyang dinamaken amal kebaikan. Nah, patokan nyang pasti ntu ialah ape-ape nyang ada petunjuknye dari Nabi. kalo begitu, sabda Nabi ntu bisa kite katakan seperti ini : "Amal kebaikan itu (yaitu amal-amal kebaikan yang telah kami contohkan) balasanya bergantung pada niatnya."

Kagak percaye dgn penjelasan ane, ya sudah pulang dulu sana ada mie ayam spesial tuh...E..e...eeh, salah! maksudnya, ya sudah! tanyaken saje pada nyang lebih berilmu atao baca aje bukunye, yaitu syarah kitab arba'un an-nawawiyah. Di sane ade tuh penjelasannye secara penjang lebar...

Udeh, dulu ah...intinye ialah niat nyang baek ntu kagak menjamin bahwa perbuatannye dibenerkan oleh agama. Musti dilihat dua-duanye, musti dilihat niat dan perbuatannye.... []